१९ जना प्रहरीलाई सात दिनभित्र सम्पर्कमा आउन निर्देशन

प्रहरी प्रधान कार्यालयले सम्पर्कबिहीन भएका १९ जना प्रहरीलाई सात दिनभित्र सम्पर्कमा आउन निर्देशन दिएको छ।

कार्यालयले आज सूचना जारी गर्दै दुई महिनाभन्दा बढी समयदेखि आफूखुशी गैरहाजिर रहेका नेपाल प्रहरीका विभिन्न दर्जाका १९ जना प्रहरीहरूलाई एक साताभित्र स्पष्टीकरणसहित सम्पर्कमा आउन भनेको हो।

कार्यालयले उनीहरूको खोजतलास गराउँदा र प्रक्रिया पूरा गरी सूचना टाँस भइसक्दा समेत ती प्रहरीहरू सम्पर्कमा नआएको बताएको छ।

सम्पर्कबिहीन कर्मचारी ७ दिनभित्र स्पष्टिकरणसहित उपस्थित नभएमा प्रहरी नियमावलीअनुसार सेवाबाट हटाइने चेतावनी पनि कार्यालयले दिएको छ।

सूचनासहितः