एसईईको पूरक परीक्षाको नतिजा सार्वजनिक

गत साउनमा संचालित माध्यामिक शिक्षा परीक्षा (एसईई) को पूरक परीक्षाको नतिजा सार्वजनिक भएको छ । शनिबार राष्ट्रिय परीक्षा बोर्डले पूरक परीक्षाको नतिजा सार्वजनिक गरेको हो  । सार्वजनिक नतिजा अनुसार  ८३,५६४ परीक्षार्थी उत्तीर्ण भएका छन् । बोर्डका अनुसार पूरक परीक्षामा १ लाख ४३ हजार २५७ परीक्षार्थीमध्ये ५९,६९३ जना अनुत्तीर्ण अर्थात् अवर्गीकृत भएका छन् ।

परीक्षा साउन २९ देखि भदौ ६ गतेसम्म सञ्चालन भएको थियो ।  राष्ट्रिय परीक्षा बोर्डले उनीहरूलाई सुधारको अवसरका लागि पूरक परीक्षा सञ्चालन गरेको हो।