नयाँ बजारको पिपुल्स डेन्टल कलेज एन्ड हस्पिटल र नेपाल एसबिआई मर्चेन्ट बैंकिङबीच व्यावसायिक सम्झौता भएको छ।
पिपुल्स डेन्टल कलेज एन्ड हस्पिटलका प्रमुख कार्यकारी अधिकृत भीमबहादुर चन्द र नेपाल एसबिआई मर्चेन्टका प्रबन्ध सञ्चालक तथा प्रमुख कार्यकारी अधिकृत लेखनाथ पोख्रेलले सम्झौतापत्रमा हस्ताक्षर गरेका हुन्।
सम्झौता अनुसार बैंकका सम्पूर्ण शाखा कार्यालय तथा नेपाल एसबिआई मर्चेन्ट ठमेलमा मार्फत नयाँ डिम्याट खाता खोल्दा वा हाल कायम डिम्याट खाता सञ्चालन गर्दै आएका डिम्याट सेवा प्रयोगकर्ताले दन्त परीक्षण निःशुल्क र दाँत सफा गर्दा २० प्रतिशत, दाँत निकाल्ने र दाँत भर्दा १५ प्रतिशत छुट पाउनेछन्।
यस्तै ग्राहकले दाँत सम्बन्धी अन्य सेवामा पाँच प्रतिशत र जनरल अस्पताल नयाँ बजारले सञ्चालन गर्ने सेवाहरूमा परीक्षण निःशुल्क पाउनेछन्। यसका साथै बेड चार्जमा १५ प्रतिशत, ल्याब, भिडियो एक्स रे, इसिजी र ओटीमा क्रमशः १० प्रतिशत छुट प्राप्त गर्नेछन्।
Leave a Reply