विश्व वातावरण दिवसका अबसरमा वृक्षारोपण कार्यक्रम संचालन

जुम्लामा विश्व वातावरण दिवसका अबसरमा वृक्षारोपण गरिएको छ ।

दिवसका अबसरमा विहिबार विहान डिभिजन वन कार्यालय जुम्लाको आयोजनामा चन्दननाथ नगरपालिका वडा नं ३ स्थित कर्णाली मावि अनामनगरमा बृक्षारोपण गरिएको हो । विद्यालय परिसरमा प्रमुख जिल्ला अधिकारी राम बहादुर शाही,सुरक्षा निकायका प्रमुख,उद्योग बाणिज्य संघका अध्यक्ष पुरिचन्द्र देवकोटा,चन्दननाथ नगरपालिकाका प्रमुख प्रशासकीय अधिकृत टेक बहादुर बुढथापा र पत्रकार महासंघ जुम्लाका अध्यक्ष पूर्ण प्रसाद चौलागाँईको लगायत सबै सरकारी कार्यालयका प्रमुख प्रतिनिधिको सहभागितामा बृक्षारोपण गरिएको
हो ।

हरेक वर्ष जुन–५ तारिखमा मनाईने विश्व वातावरण दिवस अन्तर्गत यश वर्ष “प्लाष्टिक प्रदुषण न्युनिकरण,हाम्रो दायित्व” भन्ने नारा तय गरिएको डिभिजन वन कार्यालय जुम्लाका प्रमुख भरत बहादुर बुढ्थापाले बताए । उनका अनुसार विश्व वातावर्ण दिवसका अबसरमा आज दिँउसो नगरपाालिका भित्रका विद्यालय बीच हाजिरी जवाफ प्रतियोगिता संचालन गरिने छ । पछिल्लो समय बढ्दै गएको अव्यवस्थित विकासले वाताबरणको चरम दोहन भईरहेकोले वाताबरणमैत्री पूर्वाधार विकासमा जोड दिनु पर्ने डिभिजन प्रमुख बुढ्थापाले उल्लेख गरे ।