साताको अन्तिम दिन शेयर बजार घटेर बन्द भएको छ । नेपाल स्टक एक्सचेञ्ज लिमिटेड (नेप्से) का अनुसार आज बजार ५.९९ अंकले घटेको हो । ०.२२ प्रतिशतले बजार घट्दा नेप्से परिसूचक २६४०.९६ अंकमा झरेको छ । समग्रमा बजार घटे पनि हाइड्रो र लगानी समूह क्रमशः १.१३ र ०.०३ प्रतिशतले बढेको छ । बाँकी अरु समूह राताम्मे भएका छन् ।
शेयर बजार सोमबार २.७७ अंकले उचालिंदा ९ अर्ब २२ करोड ६३ लाख २२ हजार ९ सय ३३.०९ रुपियाँ, मंगलबार ३५.७३ अंकले बजार घट्दा ६ अर्ब ६७ करोड ९५ लाख ६१ हजार ३ सय २४.५४ रुपियाँ र हिजो बुधबार ११.९७ अंकले बजार घट्दा ५ अर्ब १६ करोड ३३ लाख ३४ हजार ५ सय २२.५४ रुपियाँ बराबरको कारोबार भएको थियो । साताको पहिलो दिन आइतबार गणतन्त्र दिवसको सार्वजनिक बिदाका कारण शेयर बजार बन्द रहेको थियो ।
Leave a Reply