सन्दीप भन्छन्: देशको सपना पूरा भएकोमा खुसी छु

क्रिकेटर सन्दीप लामिछानेले आफ्नो सपना पूरा नभए पनि देशको सपना पूरा भएकोमा खुसी लागेको प्रतिक्रिया दिएका छन्।

सोमबार सामाजिक सञ्जालमा लेख्दै लामिछानेले आफ्नो सपना पूरा नभए पनि देशको सपना पूरा भएकोमा खुसी लागेको बताएका हुन्।

उनले लेखेका छन्, ‘इमानदारितापूर्वक, मेरो सपना पूरा नभए पनि के कुरामा खुसी छु भने देशको सपना पूरा भएको छ।’

अमेरिकामा हुने टी-२० विश्वकप खेल्न लामिछाने जान पाएका छैनन्। उनलाई अमेरिकी दूतावासले भिसा दिन अस्वीकार गरेको छ। टी-२० विश्वकप नेपालले पनि खेल्दै छ।