महाधिवेशनको लफडाले फेरि २ दिन पछाडि स¥यो कांग्रेस बैठक

१५ औं महाधिवेशनको लफडाले नेपाली कांग्रेसको केन्द्रीय समितिको बैठक फेरि स्थगित भएको छ । बिहीबार महामन्त्री गगन थापाको बहिष्कारका बीच बसेको बैठक शुक्रबार बस्दै नबसी स्थगित भएको थियो । तर आइतबारका लागि तोकिएको बैठक फेरि दुई दिन पछाडि बस्ने गरी सारिएको हो । अर्को बैठक मंगलबार १ बजे बस्ने गरी बोलाइएको छ ।
संस्थापनले चुनावपछि वैशाखमा र इतर पक्षले पुसभित्रै १५ औं महाधिवेशन गर्नुपर्ने अडान लिइरहेका छन् । यसमा कुरा नमिल्दा बैठक निरन्तर सरेको हो ।इतर पक्षले कार्यतालिकाको ल्याउन दबाब दिएपछि कार्यवाहक सभापति पूर्णबहादुर खड्काले पनि आज पनि समूहका पदाधिकारी, पूर्व पदाधिकारी र केन्द्रीय सदस्यसँग छलफल गरेका छन् । गुटको बैठककै बीचबाट खड्काले केन्द्रीय समितिको बैठक स्थगित गराएका हुन् ।