जेनजी आन्दोलनका क्रममा भागेका कैदी लागुऔषधसहित पक्राउ

गएको भदौ २४ गते भएको जेनजी आन्दोलनका क्रममा कारागारबाट भागेका दुई जना कैदी लागुऔषधसहित सुर्खेतमा पक्राउ परेका छन् । जिल्ला प्रहरी कार्यालय सुर्खेतका अनुसार गोप्य सूचनाका आधारमा दुई जनालाई पक्राउ गरिएको हो ।
पक्राउ पर्नेमा सुर्खेतको वीरेन्द्रनगर–७ का ३० बर्षीय नरेन्द्र ठाडा र वीरेन्द्रनगर–८ का १९ बर्षीया ललिता तामाङ रहेको जिल्ला प्रहरी कार्यालय सुर्खेतका प्रवक्ता डिएसपी मोहनजंग बुढथापाले जानकारी दिए । गत शुक्रबार उनीहरुलाई पक्राउ गरिएको हो । पक्राउ परेका दुवै जना लागु औषध मुद्दामै जगन्नाथदेवल कारागार काठमाडौंमा कैद सजाय भोगिरहेको थिए । उनीहरु भदौ २४ गते भएको आन्दोलनका क्रममा कारागारबाट भागेको उनले जानकारी दिए ।
गत शुक्रबार ९कात्तिक १४ गते० वीरेन्द्रनगर– ७ स्थित लागुऔषधको कारोबार भईरहेको भन्ने गोप्य सूचनाको आधारमा जिल्ला प्रहरी कार्यालय र लागुऔषध नियन्त्रण शाखाबाट खटिएको टोलीले उनीहरुलाई पक्राउ गरिएको हो । उनीहरुको साथबाट ५३० ग्राम लागुऔषध ब्राउनसुगर बरामद गरिएको डिएपी बुढथापाले जानकारी दिए ।