राजश्व छली गरी ल्याएको चुरोटसहित एक जना पक्राउ

राजस्व छली गरी ल्याएको चुरोटसहित एक जना पक्राउ परेका छन् । जिल्ला प्रहरी कार्यालय सुर्खेतबाट खटिएको टोलीले गोप्य सूचनाका आधारमा शनिबार राति एक जनालाई पक्राउ गरेको हो । प्रहरीले वीरेन्द्रनगर–०३ का ३५ बर्षीय जीवनकुमार शाहीलाई पक्राउ गरेको हो ।
उनलाई वीरेन्द्रनगर–३ मुलपानी चोकबाट चुरोट विक्री वितरण गरिरहेको अवस्थामा पक्राउ गरिएको जिल्ला प्रहरी कार्यालय सुर्खेतका प्रवक्ता डिएसपी मोहनजंग बुढथापाले जानकारी दिए । उनले आफैंले सञ्चालन गरेको ‘मेसी’ नामको स्टोरबाट राजस्व छली गरी ल्याईएको चुरोट विक्री गरिरहेको खुलेको छ।
पक्राउ परेका शाहीको साथबाट २५ डण्डा (५०४ प्याकेट) खुकुरी चुरो बरामद गरिएको डिएसपी बुढथापाले जानकारी दिए । पक्राउ परेका शाहीलाई आवश्यक कारवाहीका लागि राजश्व अनुसन्धान कार्यालयमा सुर्खेतमा पठाईएको उनले जानकारी दिए ।