मोटरसाइकल दुर्घटनामा एकको मृत्यु

मोटरसाइकल अनियन्त्रित भई दुर्घटना हुँदा एक जनाको मृत्यु भएको छ । मोटरसाइकलमा पछाडि सवार गुलरिया–७ का ३० वर्षीय विकास यादवको जिल्ला अस्पताल गुलरियामा उपचारका क्रममा मृत्यु भएको जिल्ला प्रहरी कार्यालय बर्दियाका सूचना अधिकारी डीएसपी देवेन्द्रकुमार मल्लले बताए ।
राजापुर नगरपालिका–१० स्थित जोगीपुर हुलाकी सडक खण्डमा राजापुर हुँदै गुलरियातर्फ आइरहेको लुप्र ०३००१ प ४१५७ नम्बरको मोटरसाइकल अनियन्त्रित भई दुर्घटना भएको हो ।
मोटरसाइकल चालक गुलरिया–७ का ३६ वर्षीय रामदत्त सोनीको अवस्था चिन्ताजनक भएकाले थप उपचारका लागि शिक्षण अस्पताल नेपालगन्ज रिफर गरिएकामा उक्त अस्पतालले यहाँ उपचार सम्भव नभएपछि लखनउ रिफर गरेको गुलरिया–७ का वडाध्यक्ष मनोजकुमार यादवले बताए ।