गुठीचौर गाउँपालिकाको राजस्व ३३ लाख

जुम्लाको गुठीचौर गाउँपालिकाले गत आर्थिक वर्षमा ३३ लाख रुपैयाँ राजस्व संकलन गरेको छ । गाउँपालिका प्रमुख प्रशासकीय अधिकृत मायाँलक्ष्मी बुढाले दिएको जानकारी अनुसार, वडागत रुपमा वडा नम्बर १ बाट ८२ हजार, २ बाट एक लाख, वडा नम्बर ३ बाट एक लाख ५३ हजार, वडा नम्बर ४ बाट दुई लाख ६८ हजार र वडा नम्बर ५ बाट दुई लाख ५८ हजार ५३१ रुपैयाँ राजस्व संकलन भएको छ ।
यसबाहेक, गाउँपालिकाले मालपोत कार्यालयमार्फत रजिष्ट्रेशन शुल्कबाट तीन लाख १३ हजार राजस्व संकलन गरेको छ । गुठीचौर पर्यटन प्रवद्र्धनका लागि आयोजित प्याराग्लाइडिङ महोत्सवबाट आठ लाख ४४ हजार राजस्व उठेको छ ।
अन्य आय स्रोतहरुमा डोजर सञ्चालनबाट पाँच लाख ५९ हजार, एम्बुलेन्स सेवाबाट ८१ हजार र पशु शाखाबाट सात लाख ८४ हजार राजस्व संकलन भएको हो । गाउँपालिकाका अनुसार चालु आर्थिक वर्षको कात्तिक महिनाको दोस्रो सातामा मात्रै ९ लाख ९७ हजार राजस्व संकलन भएको छ ।