जेनजीलाई सत्ता पल्टाएको भ्रम छ : पोखरेल

नेकपा एमालेका महासचिव शंकर पोखरेलले जेनजीहरु आफूले सत्ता पल्टायौं भन्ने भ्रममा रहेको बताएका छन् । शनिबार सुर्देत आएका पोखरेलले पत्रकारहरुसँग कुरा गर्दै भदौ २३ र २४ को सूचनाप्रविधिको गलत प्रयोग गरी लोकतन्त्रका आधार भत्काउने सुनियोजित षड्यन्त्र भएको उनले बताए ।

‘हामीले नै सत्ता पल्टायौं भन्ने जेनजीलाई लागेको छ, तर लोकतन्त्रका आधार भत्काउने योजनासहित नियोजित घटना थियो,’ उनले भने, ‘जेनजी भन्ने नेपाली संस्कृति पनि होईन, यसमा षड्यन्त्रपूर्वक सूचनाप्रविधिको दुरुपयोग गरेर उक्साईएको थियो भन्ने नवयुवाहरुले बुझेनन् ।’ पोखरेलले आक्रोसित युवाहरुसँग भन्दा पनि आन्दोलनको बहानामा क्षति पुर्याउन उक्साउने पक्षसँग एमालेको असहमति रहेको बताए ।
उनले अहिलेको सरकारलाइ संविधानले नचिन्ने बताए । संविधानले नचिन्ने सरकारले प्रतिनिधि सभा विघटन गरेकाले एमाले पुनस्र्थापनाको पक्षमा रहेको उनले बताए । प्रतिनिधि सभा पुनस्र्थापना गरेर त्यसबाट बन्ने अन्तरिम सरकारले चुनाव गराउनुपर्ने यधारणा उनले राखे । महासचिव पोखरेलले एमालेसँग जनताको सम्बन्ध टुट्यो भन्ने भ्रम सिर्जना गरिएको अवस्थामा शनिबार गरिएको विरोध प्रदर्शनका क्रममा देखिएको सहभागिताले भ्रम उल्टिएको बताए ।