कँडेलले दिए सचिव पदमा उम्मेदवारी

कर्णाली प्रदेशका मुख्यमन्त्री तथा एमालेका स्थानयी कमिटी सदस्य यामलाल कँडेलले सचिव पदमा उम्मेदवारी दिएका छन् । भृकुटीमण्डमा जारी एमालेको ११औं महाधिवेशनबाट उनले पार्टीको सचिव पदका लागि उम्मेदवारी दिएका हुन् ।
निर्वाचन कार्यतालिका अनुसार सोमबार कँडेलले सचिव पदमा मनोनयन दर्ता गराएका छन् । शनिबारदेखि जारी महाधिवेशनमा कँडेलले केन्द्रीय निर्वाचन आयोगमा पदाधिकारीका लागि मनोनयन दर्ता गराएका हुन् ।
कँडेललको प्रस्तावकमा एमाले कर्णाली प्रदेश अध्यक्ष गुलावजंग शाह र एमाले सुर्खेत जिल्ला अध्यक्ष कुलमणी देवकोटा समर्थक छन् । कँडेल २०७८ मंसिरमा सम्पन्न १०औं राष्ट्रिय महाधिवेशनमा पनि सचिव पदका दावेदार थिए । अन्तिममा कँडेल केन्द्रीय कमिटीको पदाधिकारीमा अटाएनन् । कँडेल कर्णालीमा पार्टीको संगठन निर्माणमा अब्बल र अनुभवी नेता हुन् ।