‘नेपालसँगको सम्बन्ध गहिरो र विशेष छ’

भारतीय प्रधानमन्त्री नरेन्द्र मोदीले प्रधानमन्त्री केपी शर्मा ओलीसँगको भेटपछि नेपालसँगको सम्बन्ध गहिरो र विशेष रहेको बताएका छन्।

चीनको तियानजिनमा जारी सांघाई सहयोग संगठन (एससीओ) को शिखर सम्मेलनका क्रममा भएको भेटवार्तापछि उनले सामाजिक सञ्जाल ‘एक्स’ मार्फत यस्तो टिप्पणी गरेका हुन्।

मोदीले ‘एक्स’ मा लेखेका छन्, ‘तियानजिनमा नेपालका प्रधानमन्त्री केपी ओलीसँग भेट्न पाउँदा खुसी लाग्यो। नेपालसँग भारतको सम्बन्ध गहिरो र धेरै विशेष छ।’

दुवै नेता सांघाई सहयोग संगठन (एससीओ) को शिखर सम्मेलनमा सहभागी हुन चीनमा छन्। सोही सम्मेलनका क्रममा उनीहरूबीच साइडलाइन भेटवार्ता भएको हो।