एक लाख घूससहित समातिए डुङ्गेश्वरका लेखा काँक्रेविहार प्रकाशन प्रा.लि.

दैलेखको डुङ्गेश्वर गाउँपालिकाका लेखा अधिकृत टंकबहादुर कार्की घूससहित पक्राउ परेका छन् । अख्तियार दुरुपयोग अनुसन्धान आयोगको कार्यालय सुर्खेतले कार्कीलाई गएराति एक लाख घूससहित रंगे हात पक्राउ गरेको हो । आयोगका सूचना अधिकारी धर्मराज बुढाले वीरेन्द्रनगरको मंगलगढी चौकबाट घूस रकमसहित कार्कीलाई नियन्त्रणमा लिइएको जानकारी दिए ।

उनका अनुसार, कार्कीलाई पक्राउ गरिएको विषयमा आयोगको केन्द्रीय कार्यालयले विज्ञप्तीमार्फत जानकारी गराउने तयारी छ । सूचना अधिकारी बुढाले कार्कीलाई कुन प्रयोजनमा घूस लिन लागेको अवस्थामा नियन्त्रणमा लिइएको हो भन्ने विषय खुलाउन चाहेनन् ।